Is de Kirmes wieder ra,
fängt aah schu d’r Harbist a;
falln de Blätter bunt von Baam,
werd’s dr Nacht enn Reif bal gabn

Längst schu sei de Schwalbe fort;
wos geblüht hot,  is verdorrt,
brengt mer aah noch manich’n Schwamm
draußen aus ne Wald eham.

Drubn es Fald stieht kahl un laar,
un e Wind streicht drüberhar,
dar fei schu nooch Schnee wing riecht,
als ob enn dodra wos liecht!

Wenn’s när,  denkt mer,  liebe Zeit,
net e gar su zeitig schneit,
un mer rückt,  gut,  doß mer’sch ka,
nähnder an senn Ufen na...

Aus :  GLÜCKAUF, anno 1990

bearbeitet von pks