aus
„Neie Ardäpp“  22. Heft von 1919

In Geln warn früher de Heiser noch a weng schlachter gebaut als itze.  Mer tut kaane Sünd,  wenn mer’sche elende Holzhütt’n nennt.  Un dos die aah gefaahrlich war’n,  is kaa Frog.  Waar in en festen Haus wuhne tat,  war früh, wenn er net in su a gebrachlichs Ding neizeziehe brauchet.

Oder wos halfs,  dr Dokter mußt aah do nei.  Daar war ben Soldaten gewaasen un war’sch gewuhnt,  mit’n Laam ze spiel’n.  Do wur ar amol zun Büttnerbauer gehult.  Daar hatt’ Zahreißen,  un dr Dokter söllt’n nu dan Luderzah rausrupp’n.  Dr Dokter kam nauf in dr Stub,  wu daar geplogte Ma soß.  Dos war nu aah setts alts Geplärr.  De Diel schaukelet unner ne Dokter seine Schritt; un ar maanet,  ’s wär när gut,  doß ar net vun dr Seekrankhät geplogt wär,  sist — — Un aus ’n Stall rauf stanks,  o je! —

Nu gings also lus.  Ar packet sei Zang aus.  Dr Bauer riß sei Maul auf.  ’s war dr öberschte Eckzah.  Do hieß ’s Kraft ahwenden.

„Nu,  bleib när racht schie ruhig sitzen!”  Ar setzet ah un zug;  daar Zah war net rauszekrieng.  Nu versuchet er’sch noch amol,  oder ’s war aah nischt.  Do machet er’sch zun dritten Mol,  stemmet sich mit aller Gewalt ei un zählet:

„Eins! — zwei — — un — — — — drei!”   un dr Zah war raus,  oder dr Dokter aah.

Bei dan hasting Ruck war de Diel dorchgebrochen,  un dr Zahdokter soß unten in Stall off dr schacketen Kuh.

bearbeitet von pks