|
„Nu, du alts S..l...r, trifft mer dich aah wieder mol? Wos machst
de dä, is Laam noch frisch?”
„Nu, wos dä sist, ’s Staarm heem m’r bis zerletzt auf.”
„Du, wos ich soong wollt, machst de dä mol miet nooch Olbemhaa?
Do is itze ene gruße sächsche Waltausstelling, die söll fei
möch grußartig sei! Feierspritzen göbs do un allerhand Maschine
un neie Seef un nein Schnaps un lauter sitt’s Zeig, ’s söll
werklich saahnswaart sei azeguken.”
„Ha, dos is ja all’s rächt gut un schie, ober weßt de, dos is doch
zemindsten drei Stund’n ze laaf’n, dos is mer ze weit, dos kah
iech net d’rmachen, do saah iech lieber dervu ob.”
„Nu nä, drei Stund’n die hot d’r Fuchs gemass’n, dos is ziemlich
acht Stund’n.”
„Acht Stund’n? Du bist net g’scheit! Nä weßt de, finfe, aah
sechse wäre iech geloff’n, ober achte? Dos kah iech mer net zumut’n.”
„Nu, mer fahrn e Stück, dos is net schlimm.”
„Fahrn? Um Gott’swill’n net, dos is net mei Fall! Ha, wemmer bis
hie laafen täten, do machet iech amende miet, do ließ iech mich
noch belatsch’n, oder fahr’n? – nä, do tut mersch leed, do
rächen net off miech!”
„Nu do laaf’n mer meint’waang, mir is’ egal.”
„Nu willst de wieder laafen, du weßt net, wos de willst”
|
