Mer hoom Sylvaster;  un mer rüsten
zun Eitritt uns ins neie Gahr.
Wie ward’s nu waarn?  Wenn mer dos wüßten.
’s ward wieder,  wie’s schu immer war.

ech will nu aah nimmer froong;
ich ho’s off aller Art versucht,
de schennste Kart ließ iech mir schloong
vun Gald.  Doch iech blieb arm.
Verflucht!

Un wieviel Linsen ho iech gassen
zun heilig Ohmd,  un ho derwischt
när Bauchwitting vun setting Frassen,
dos Linsenassen hilft aah nischt!

e Linsen bleim mir nu gestuhl’n:
Iech glaab net meh an sittes Zeig,
dos Gald,  dos mög dr Teifel huhl’n:
iech waar mei Laabtog doch net reich!

Aus :  Neie Ardäpp,  anno 1920

bearbeitet von pks