Dr Schullehrer hot amol sei Haardel Kinner vür siech sitzn un will miet dan amol ä arnsthoft Wort iebers Gebat redn. Be de meisten do hapert’s granat’g drmiet. Un wie nocherts asu ofs Ohmdgebat hiegelangt warn sullt, do gucketen de Kinner ne Lehrer o und wußten siech kän Root. Der Lehrer freeget nochemol:

„Na, Kinder, wie saht dee eire Mutter, eh ihr ze Bett gieht?” Stille. Alle guck’ne dumm o.

Dr Schullehrer ploget siech weiter: „Nu, tut ihr dee nischt, eh ihr ohmds eischlooft? Erinnert eich eire Mutter net do dro?” Do hebt ganz zoghaft de klane Tischer-Mariechen de Hand. „Nu, Mariechen...? Wie saht dee dei Mutter ze dir?” Mariechen stieht auf und saht: „Gieh ärscht nochemol ofs Täppel...!”

Aus :  GLÜCKAUF,  anno 1988 N° 10

bearbeitet von pks