War macht uns da heier ne Rupprich,
war tut uns da mol dan Gefalln?
Mier brauchn doch aah heier enn wieder!
War brengt ne an schönnsten von alln?
e Waldemar könntn mr namme,
weil dar siech enn Bart wachsen läßt;
do könne de Kinner dra zuppen,
dar Bart gieht net o, dar hält fest.
Naa, schod drum, dos werd wuhl net giehe,
dan kennt doch e jeds viel ze gut;
dos merkt doch jeds Mäd‚l, jeds Gung‚l,
war in darer Kutt stacken tut.
Mier namme doch wieder de Hanne!
Putzt die sich als Rupperich a
un kimmt uns zer Tür reigepoltert,
do tut die sich aus wie e Ma.
Die spielt uns enn, wie er in Buch stieht,
do brengt‚s eich vür Lachen bal üm:
Die ka sich verstelln wie e Manns‚n,
die redt mit ner brummigen Stimm.
ut ober net gar ze laut lachen,
sist muß es de Hanne noort aah;
do tat se sich doch gleich verroten —
ne sette Lach hot när ne Fraa!
War macht ne uns da nu, ne Rupprich?
War tut uns dä mol dan Gefalln?
Nu, frogt när de Hanne, die macht‚n
un — brengt ne an schönnsten von alln!
