Iech krieg’s schu noch raus
          vun Werner Kempf


Kimmt de Sonn am Morgn hinnern Wald drübn rauf,
noort wacht aah im Kinnerbett ’s Klaane Gungl auf,
un es hot sich gestreckt,  es not sich gedehnt,
aah dann — wie’s haltig meitog su gewehnt —
nooch dr Mutter gerufft,  weil’s aufstiehe wollt
un de Mutti ihm dodrbei halfen sollt.


Wer oder kimmt dä heit an Gungl sei Bett,
dos war doch beileibe kaa Mutti gar net?
Dr Voter war’sch,  mr sellt’s net gelaabn:
„Oder Vati,  wos machst dä du heit drham?”
Un wie er noch mehr nooch dr Mutter frogt,
hot dr Voter ganz sacht ze senn Gungel gesat:


„Heit nacht,  Gung,  horch zu,  dos mußt de grod wissen,
hot dr Klapperstorch dr Mutti nei’s Baa gebissen.
Ich mußt se geschwind fahrn ins Krankenhaus.
Un dort — horch gut zu — wos stellt sich do raus?
Do kriegt doch de Mutti e klaanes Kind,
un du host ne Schwaster,  ging dos net geschwind?”


Es Gungl,  dos is erscht e bissel verlagn,
guckt senn Voter a mit ganz gruße Aagn,
sogt: „Vati,  ich waß,  wer dr Rupperich war,
aah mit de Usterhosen sah ich schu klar,
un kimmt nu e Schwasterle ze uns ins Haus,
krieg ich dan Baabeißer gewiß aah noch raus.”

Aus :  Kalender für Sachsen,  anno 1929


bearbeitet von pks