color="993366">

De Pfingstpartie

von Bernh. Brückner, Leipzig

entnommen dem
„ Erzgebirgischen Heimatblatt “ N° 22 von 1928.

Mei´ alter Vetter „Saafen-Fried“
— ar is fei lang schu tut —
dar sang, wenn ´s Frühgahr kam, a Lied
voll lauterLabensmut:

„Waar racht in Freiden wandern will,
dar gieh´ dr Sonn entgeeng´
un stieh´ ze Pfingst´n fei net still,
´s mag wattern un aah reeng´.

Dä, schinner — wie de Maienzeit —
is kaamol uff dar Walt!
Wuhie mer guckt, gib´s Lust un Freid´
in Garten, Wald un Fald“ — —

Un, wos mei´ sal´ger Vetter saat´
halt´ ich mit treiem Si´ ¹.
Drüm is mei´ allergreßte Fraad
´ne schiene Pfingstpartie.

Schlät´s viere, bie ich längst derwacht,
schieb ´n Riegel vun dr Tür.
Ihr Kinner, nä — is dor e Pracht! —
De Walt kaa net drfür!

Zenst´ümerink all´s frisch un grü;
de Ard, wie nei gebor´n.
Un´wu ich laaf´, un, wu ich stieh´,
freie sich Aang un Ohr´n.

Do lächten Blümla aus dan Groos,
— aans weiß, aans rut un blaa!
Tau´tröpla glitzern wie Geloss,
vun Sträuch´l dort am Raa´. ²

Sat´ner dos Aeppelbaam´l aa!
— in dr Nacht is aufgeblütt —
Un riecht ans Vuggelbeer-laab naa!
— Dar Duft — dos is ´ne Gütt. ³

Nu gieht´s verbei an junger Soot,
an Wies´un Bargeshald´.
Uff jeden Ast, vun jeden Blood,
do singt´s, doß alles Schallt.

Es klingt wuhl bis zen Himmel nauf,
drüm lacht´r kitzeblaa. —
Mir wird´s als tät´ ar weit sich auf,
un ich könnt´ still nei-sah´.

Wie fix vergieht mer do de Zeit! —
Vun Kärchturm, oh wie schie,
zieht feierlich schu ´s Pfingstgeleit´
übers Döf´l drüberhie.

Schuh is dr letzte Klang vorbei;
ich hör´ a frommes Lied:
„O heil´ger Geist, kehr´ bei uns ei´!“ —
Ganz sachte sing´ ich´ miet.

Halb bie ich wach, halb wie in Traam —
denk hie an sel´ge Zeit
un rückwärts — — an mei Kinner-laam.
Wie liegt das schie ... un weit.

A manches Birk´l hab ich fei
als Kind ahamgeschafft!
Un dar Gelaam — ich bleib drbei —
dar hot aah heit noch Kraft.

Drüm namm ich vun dar Pfingstpartie
en´n Birken-Ast miet ham.
Un schmück mei´ Stüb´l frisch un grü´:
Die Fraad´loß´ch mir net nahm´!


¹) Sinn
²) Feldrain
³) gute Tat

bearbeitet von pks