entnommen dem
„Kalender für Sachsen und Thüringen“ von 1929.

Awos Nei’s war aufkumme in unnern Dorf,
wu bis itze niemand dra gedacht hätt:
Zensurn vor de Schulkinner!   Hamm do de
Kinner gelauscht,   wie ne dar Harr Lehrer
die Sach esu ausanannerpusemantiert hot!

„Ja,”   saht er,   „do kriegt jeds a Büchel,
un do stieht alles drinne,   wenn epper
aans net racht gefolgt hot,  un aah,  wenn
aans net gut laasen un schreim un rachne
ka !    Dos stieht alles drinne !”

Dos war  nu  a  biese Sach für de Kinner
zamm,   vullterscht vor de Gunge,   ’s war
halt  doch  daar  un  gener,   daar a wing
offn Karbholz hatt !
Ne Schuster-Heiner sei Grußer saht der-
halm zu en Leidensgefaahrten:
„Egal awos Nei’s un nischt Gescheit’s”

Der Summer vergahng,   Micheele kam ra
un dodermiet aah die Zeit,   wu’s  de Zen-
surn gaam sollt.   Der letzten Woch hamm
die  arme  Kinner  vun  wetter  nischt  ge-

strieten,   wie vun dan biesen Zensurn.
De Maadle kunnten fei gar nimmer schlo-
fen.   De  Gunge  hoom  besser  schlofen
könne.

Wie dar gruße Tog do war,   soß der Schu-
ster-Heiner off senn Sassel un hantieret
an  en  alten Stiefel rüm.   Der Gung war
in der Schul,   daar sollt heit seine ersch-
ten Zensurn miet aham brenge.

Wie nu mei Schuster asu aa Zwack nooch
der annern neischlägt,   do gieht de Tür
auf,   der Gung kimmt rei,   haat sei Schul-
zeig hie in der Eck un will wieder naus ah
de frische Luft.

Do sogt der Vater:
    „Nu,   de Zensurn sei wuhl gar net asu
racht extra?    Hä?”

Do saht der Gung:
    „I,  Vater,”  saht ar  „de Hauptsach is,
doß mer alle gesund sei!”