|
Net Glanz on Pracht, net Gut on Ehr
hot sötten grußen Wart,
als wenn du noch e Mütterle host
of daaner weiten Ard.
Dos sorgt für dir ve früh bis obnd,
be Tog on Nacht ze jeder Stond.
Es Motterharz is e Edelstaa,
dan noch nischt dersetzen konnt.
Gar maniche Nacht hot’s schu gewacht
o Kind a deiner Wieg.
On warscht de krank, wie hot’s gebatt:
Der Herr beschütz när dich!
Mit Kommer on mit Sorg on Müh
hot dich dei Mütterle dernährt,
wie garn hot dir zer Weihnachtszeit
dei Mütterle wos beschert.
On wie du in der Fremd
bist naus,
hot dir’sch en
Segn noch gaabn:
Vergaß fei net dei Elternhaus!
Bleib gut on rächt in
Laabn!
On is dei Mütterle
alt on schwach,
ihr Denken, Kind, dos bis
när du.
Der letzte
Seifzer gilt noch dir,
nort drückt’s de Aagn erscht zu.
Drum host du noch e Mütterle,
o hält’s fei huch in Ehrn!
Denn wenn’s gestorbn is, battst de wuhl;
O tät’s doch wiederkehrn!
Drum tut när Guts denn Mütterle
on sog ne fei kaa schlachte Red,
wenn’s Mütterle ontern Rosen liegt,
o Kind, nort is ze spöt!
|
