|
enn Meier Paule hattn se drham enn neie Hund kriegt. Dr alte hatt Gift gefrassn un war draufgange. De ganze Familie hätt dos goldige, klaane Dackele am libstn neigefrassn, un aah is Paule war halbtut in sei gunges Spielkameraadl, dos su ubeholfn sappin tat un su schie treiherzig guckn kunnt. Is brauchet siech desserwaagn kaans ze wunnern, doß dr Gung de erschtn Tog in Gedankn merschtns benn Hund war.
Aah in dr Schul war dos natürlich net annersch. Benn Heimatkunde-Unnerricht, de Sprooch war grod vun Waldbudn un de verschiedene Musartn, kam’r sugar of die Idee, ne klenn „Waldmann”, wie se is Dackele getaaft hattn, ze zaachne. Ganz eirisch war’r bei dr Arwit. Do freget dr Lehrer: „Wer kann mir noch ein Moos nennen und beschreiben?” Un wal’r gesaah hatt, doß is Paule net bei dr Sach war, rufet’r lachlnd: „Na, Paul, sag’ auch du mir eins!”
s Paule war vür Schrack ganz verdattert. Ausgerachnt itze mußt’r gestärt waarn, wu’r mit senn Wark bal fartig war un senn Liebling bluß noch e klaans, buschigs Schwanzl narichtn wollt.
Agestrengt dacht’r nooch. Do fiel ne ei, doß’r vorhinst ewos vun „Moos” aufgeschnappt hatt. Un schu wußt’r, wos’r antwortn kunnt. Gelücklich über senn gutn Gedankn sat’r laut:
„Mir ham drham e Nieslmoß, do trink iech draus, wenn de Tippl alle eigematscht sei.”
|
