In späten Halbst war’sch — ich wäß noch wie heit —
ich war a Gungel ebber von acht Gahrn,
bie ich mit meiner Mutter mol ganz weit
nooch Fichtenzappen nei in Wald gefahrn.

n unner Waagel war noch net halb voll,
stieg aus’n Tol a dicker Naabel auf.
der sachte huch un höcher quoll,
bis of de höchsten Baam in Bargwald nauf.

Ka Wurzel un kan Sturzel soch mer meeh,
un unner Waagel, dos fing a ze holpern;
die Zappen warn of amol zantnerschwer,
un amol übersch annere tat ich stolpern.

o nahm mei Mutter mich bei meiner Hand,
sat: „Fall fei net — die Sturzle sei hart!”
Do hob ich ihre Finger fast umspannt,
un dos hat mich vürn Hiefalln aah bewahrt. -

Wuhl sachzig Gahr seit domols sei vergange,
un mannichn Nabeltog hob ich erlabt,
wu mir de liebe Sonn war ganz verhänge
un ich in Finstern weiter bie getappt.

n wenn ich stolpern wollt, do hieltst du mich,
mei Mütterle, un host mich aufgericht,
un ob de Zeit aah moncherlaa verblich,
noch immer hob ich vür mier dei Gesicht. -

Un fühl dei liebe Hand, die nooch mier langt,
die Hand, die miech su mannichmol gerett,
dar ich in Stilln su mannichmol gedankt,
un hör dich heit noch warne: Fall fei net!