Aus: „ Glückauf “  N° 9 von 1986

     Heit,  do find iech net es klennste
     Schwammel of menn Schwammeflack.
     Heit sei se wie waggeblosen.
     Leit,  iech ärger miech ze Drack!

     Net emol e Fingerkappel
     von ner Hus¹ is heit ze sah!
     Könnt vür Ärger gleich mei Körbel
     nei de Hiebeerstraicher hah!

     Halt,  wos tut da dort’n blitzen?
     Es is doch net ze gelaabn:
     Liegt in Gros e Schwammemasser!
     Har mit dir,  namm iech dich abn!

     Saht’r’sch: När Geduld hobn muß mer,
     wenn mer in de Schwamme gieht.
     Irgndewos werd sich schu finden,
     wenn mer aah kenn Schwamm gruß sieht.

     Hob iech abn zwee Schwammemasser
     in menn Körbel statt enn Schwamm;
     mach iech’s voll mit lauter Zappen,
     breng iech’s ’wingst netlaar eham!

¹) Hus = Hose = volkstümliche Bezeichnung für Perlpilz

bearbeitet von pks