De Kinner von itze, die kenne ’s net meh, kaum, daß se dervu noch was laasen. Mir grußen Leit ober, mir denken, es wär erscht gestern esu noch gewasen:

Do is noch es Bahn’l durchn Städtel gefahrn un hot sich ne Barg naufgewunden; es hot sich fer uns in su manich’n Gahrn efei bissel wos ogeschunden.

Was is von dan Bahn’l noch übriggebliebn?  E Rannel, e Dammel,  e Brückel...  Wu’s Bahn’l gefahrn is, ob hübn oder drübn, dos hot de Natur längst an Wickel.

De Zeit hot ihrn Mantel dodrüber gebret’t.  Garagen sei drauf, un ah Stroßen,  drnab’n saus’n Autos, die sänne se net, die Schof do, die itze dort grosen.

När gut, doß an Bahhuf paar Wögner noch stieh un vorne ne Lok, ene klaane. War hiert’n vürbeikimmt un guckt esu hie, dar denkt sich emende dos aane:


Tät ’s ruffen: „Steig ei, itze dampen mier lus! Gleich drehe sich wieder de Röder!” — do tat iech net warten.  lech machet kenn Ruß — iech rutschet geleich wieder mietföder!

Es Bahn’l,  es alte,  dos gibt’s heit net meh, doch warn mir’sch su fix net vergassen,  mier,  die mier’sch gekannt hobn un denken,  es war erscht gestern esu noch gewasen...

bearbeitet von pks