Wie ich e klaaner Gung noch war, do hot mich net gefrorn, bie barbes naus in Schnee gelatscht, arscht richtig warm do worn. Paar Handsching ho ich net gekannt, de Filzschuh warn net mei. Is hot dr ganze Karl geglüht zr Schneeballkeilerei.

Dann kam de Zeit zun Freie gieh, do bie ich, weil’s gebrannt, in kältstn Winter übern Barg nooch Crutendorf gerannt. Eiszappen hinge dra an Dach, dr Wald war voller Schnee, doch als ich haamkam, hat ich Hitz bis in de klennste Zeh!

Doch spöter, wie ich war e Maa, do ging is Frösteln lus. De Socken mußtn dicker sei, un aah de Unnerhus. Gob’s Regn, do mußt ’e Regnscherm har, e Schol, wenn’s draußn stermt. De Latschn, die wurn ageheezt, e Grog von inne wärmt.

Doch itze is fei nimmer schie, werd’ überhaupt net warm. De Fraa, die schimpft un ärgert sich, dos is zun Gottderbarm. Ich reib de Füß, tu se massiern, halt in de Rähr se nei, mich wärmt kaa Fraa, kaa Ufn meh, de Füß wie Eiszapp sei.

Gieh ich zr Ruh, do ward zearscht de Zudeck warm gemacht. De Wärmflasch, die muß kochend sei, wenn se ins Bett gebracht. Un werd se kalt, reck ich de Füß dr Fraa an Bauch noch na. ’s hilft alles nischt, se bleibn abn kalt - ich bie e alter Maa.

Aus :  GLÜCKAUF,  anno 1990 N° 1

bearbeitet von pks