Der letzte goldige Sunneschei
Fällt warm vun Himmel roh,
un Silber durch de Fichtle fliegt -
Altweibersummer is do!

De letzte Habutt an Streichel dort
se putzt sich wunnerschie,
zieht fix as rute Röckel na -
Altweibersummer macht schie.

Un wenn mer su durch de Fichtle gieht,
sucht Beerle zuckersüß,
do kriegt mersch ganze Guschel vull
Altweibersummer gewieß.

Dort rennt a Madel in Sunneschei,
se lacht un singt derzu,
wie schie is doch, wenn Harwist is -
Altweibersummer macht fruh!

Ich guck ne Madel nei ins Gesicht -
de Haar wie Silber fei -
ach, ’s war fei kaa gungs Madel meh -
Altweibersummer - - ei! ei!